ഫുട്ബോൾ: എബിഎസ് ബിൽഡേഴ്‌സ് കെഎഫ്കെ ജേതാക്കൾ

കുണ്ടംകുഴി ലഹരിയാവാം കളിയിടങ്ങളോട് എന്ന സന്ദേശമുയർത്തി ഡിവൈഎഫ്ഐ ബേഡകം ബ്ലോക്ക് കമ്മിറ്റി കുണ്ടംകുഴിയിൽ നടത്തിയ എഡ‌ിറ്റ് സെവൻസ് അഖിലേന്ത്യാ ഫുട്ബോൾ ഡി-ഏഴ് സോക്കർ സീസൺ രണ്ട് ടൂർണമെന്റിൽ എബിഎസ് ബിൽഡേഴ്‌സ് കെ.എഫ്‌കെ കുണ്ടംകുഴി ടീം ജേതാക്കളായി.

ബുധനാഴ്ച‌ രാത്രി നടന്ന ഫൈനലിൽ പറമ്പ ഫ്രണ്ട്സ് ടീമിനെ രണ്ടിനെതിരേ മൂന്ന് ഗോളുകൾക്കാണ് പരാജയപ്പെടുത്തിയത്. ഏപ്രിൽ ഏഴ് മുതൽ നടന്ന ടൂർണമെന്റിൽ എട്ട് ടീമുകൾ പങ്കെടുത്തു. സമാപനസമ്മേളനം ഡിവൈഎഫ്ഐ സംസ്ഥാന പ്രസിഡൻ്റ് വി. വസീഫ് ഉദ്ഘാടനം ചെയ്‌തു. ബ്ലോക്ക് പ്രസിഡന്റ് ശിവൻ ചൂരിക്കോട് അധ്യക്ഷനായി. ഇ. പദ്‌മാവതി ട്രോഫി നൽകി.