‘കഖഗ’ സാഹിത്യോത്സവത്തിനു തുടക്കമായി

കരുനാഗപ്പള്ളി: 'കഖഗ' കരുനാഗപ്പള്ളി ലിറ്ററേച്ചർ ഫെസ്റ്റിവലിന് തുടക്കമായി.

കരുനാഗപ്പള്ളി ബോയ്‌സ് ആൻഡ് ഗേൾസ് ഹൈസ്‌കൂളിൽ നടന്ന ചടങ്ങilab ചലച്ചിത്ര അക്കാദമി ചെയർമാൻ പ്രേംകുമാർ ഉദ്ഘാടനം ചെയ്തു. സാഹിത്യകാരൻ വി.ആർ. സുധീഷ് അധ്യക്ഷനായി.

ജില്ലാപഞ്ചായത്ത് പ്രസിഡൻ്റ് പി.കെ. ഗോപൻ, മുൻ എംപി എ.എം. ആരിഫ്, എഴുത്തുകാരൻ എസ്. ഹരീഷ്, ബ്ലോക്ക് പഞ്ചായത്ത് പ്രസിഡന്റ് എസ്. ഗീതാകുമാരി, സന്ധ്യാ രാജേന്ദ്രൻ, ഷെഹ്‌നാനസിം, പ്രമോദ് ശിവദാസ് തുടങ്ങിയവർ പ്രസംഗിച്ചു.

സന്ധ്യാ രാജേന്ദ്രനെ ചടങ്ങിൽ ആദരിച്ചു. 18, 19, 20 തീയതികളിൽ നാലുവേദികളിലായി 61 സെഷനുകളായാണ് സാഹിത്യോത്സവം നടക്കുന്നത്.

വിവിധ വിഷയങ്ങളിൽ മലയാള സാഹിത്യ സാംസ്‌കാരിക മേഖലയിലെ പ്രമുഖർ പങ്കെടുക്കും. 20-ന് വൈകീട്ട് ആറിന് നടക്കുന്ന സമാപനസമ്മേളനം മന്ത്രി വി.എൻ. വാസവൻ ഉദ്ഘാടനം ചെയ്യും.

പുസ്തകോത്സവത്തിൽ മാതൃഭൂമിയും

സാഹിത്യോത്സവത്തിൻ്റെ ഭാഗമായി നടക്കുന്ന പുസ്‌തകോത്സവത്തിൽ മാതൃഭൂമി ബുക്സു‌ം പങ്കെടുക്കുന്നു. ബെസ്റ്റ് സെല്ലറുകളായ, ആർ. രാജശ്രീയുടെ 'ആത്രേയകം', പി.വി. ഷാജികുമാറിൻ്റെ 'മരണവംശം', സോണിയാചെറിയാന്റെ 'സ്നോ ലോട്ടസ്' തുടങ്ങിയ നോവലുകൾ, യാത്രാവിവരണങ്ങൾ, പഠനങ്ങൾ തുടങ്ങിയ വിപുലമായ ശേഖരം ലഭ്യമാണ്. 10 ശതമാനം കിഴിവുണ്ടായിരിക്കും.