സമം 'എന്ന സംഘടനയുടെ ആഭിമുഖ്യത്തിൽ വടക്കൻ കേരളത്തിലെ മടിക്കൈയിൽ ഈ അടുത്ത് ദിവസം രണ്ടുദിവസം നീണ്ടുനിന്ന ആഘോഷച്ചടങ്ങുകൾ നടക്കുകയുണ്ടായി .

കാസർഗോഡ് ജില്ലാ പഞ്ചായത്ത് ചെയർപേഴ്സൺ ശ്രീമതി.ബേബി ബാലകൃഷ്ണൻ തദവസരത്തിൽ പൊതുവേദിയിൽ വച്ച് ഐഷാറൂബിയ്‌ക്ക് അവാർഡ് നൽകി ആദരിക്കാൻ ക്ഷണിച്ചത് കോഴിക്കോട് യൂണിവേഴ്സിറ്റി മുൻ വൈസ് ചാൻസലറും സോഷ്യൽ ആക്ടിവിസ്റ്റും ചരിത്രകാരനുമായ ഡോക്ടർ .കെ .കെ .എം കുറുപ്പിനെയായിരുന്നു. 

അവാർഡ് സമർപ്പണ ചടങ്ങിൽ വെച്ച് പിതൃതുല്യമായ നിലയിൽ കുറുപ്പ് സാറിൻ്റെ മുമ്പിൽ പാദനമസ്കാരം ചെയ്‌ത് അനുഗ്രഹമേറ്റുവാങ്ങാനും ആയിഷ റൂബി മടിച്ചില്ല.

അവാർഡ് സമർപ്പണ ചടങ്ങിൽ പ്രണയ സൗരഭ്യത്തിൻ്റെ ,വിരഹത്തിൻ്റെ ,വേർപാടിൻ്റെ വേദനയുടെ കാവ്യാത്മക പ്രകടനമായ ഗസലുകളുടെ അസാമാന്യസ്വരമാധുരി കൊണ്ട് ഐഷാറൂബി എന്ന ഗായിക സൽമാ ആഘയെപ്പോലുള്ള ഗസൽഗായികമാരെഅന്ന്ഓർമിപ്പിക്കുകയുമുണ്ടായി

ഈ അത്ഭുത സിദ്ധിയും ആയിഷയ്ക്ക് ജന്മസിദ്ധം .

സംഗീതാസ്വാദകൻ കൂടിയായ ഡോക്ടർ കെ കെ എൻ കുറുപ്പ് ഗസൽ ഗായിക കൂടിയായ ഐഷയുടെ സ്വരമാധുരി ആസ്വദിക്കുക മാത്രമല്ല ചെന്നൈയിലെ അണ്ണാമല യൂണിവേഴ്സിറ്റിയിൽ സംഗീതത്തിൽ ഉപരിപഠനം നടത്താൻ ആയിഷയെ ഉപദേശിക്കുകയും അതിൻറെ തുടർ സഹായങ്ങൾക്കായി വിജയകുമാർ തൃക്കരിപ്പൂരിനെ ചുമതലപ്പെടുത്തുകയുമുണ്ടായി  

ജർമ്മൻ ഗ്ലോബൽ ഇക്കണോമിക് ഫറത്തിൽ ഇന്ത്യയിൽ നിന്നുള്ള സെനറ്റ്അംഗം കൂടിയാണ് ഈ കാസർഗോഡ് കാരി ആയിഷയുടെ കരവിരുത് പതിഞ്ഞ വിവിധയിനം ഉടയാടകൾക്ക് ഗൾഫ് നാടുകൾക്കൊപ്പം മറ്റു നിരവധി രാജ്യങ്ങളിലും ഇന്ന് ആവശ്യക്കാരേറെ .റൂബി വെസ്റ്റർ എക്സ്പോർട്ട് എന്ന പേരിലാണ് ഈ സ്ഥാപനം പ്രവർത്തിക്കുന്നത്.