വടംവലി ചാമ്പ്യൻഷിപ്പ്: കണ്ണൂർ സർവകലാശാലയ്ക്ക് രണ്ടാംസ്ഥാനം

വടംവലി ചാമ്പ്യൻഷിപ്പ്: കണ്ണൂർ സർവകലാശാലയ്ക്ക് രണ്ടാംസ്ഥാനംനീലേശ്വരം : പഞ്ചാബിൽ നടന്ന ഓൾ ഇന്ത്യ യൂണിവേഴ്‌സിറ്റി വടംവലി ചാമ്പ്യൻഷിപ്പിൽ പെൺകുട്ടികളുടെ മത്സരത്തിൽ കണ്ണൂർ സർവകലാശാലയ്ക്ക് തിളക്കമാർന്ന വിജയം.

അവസാന റൗണ്ടിൽ ഡൽഹി സർവകലാശാലയെയും എംജി സർവകലാശാല കോട്ടയത്തെയും പരാജയപ്പെടുത്തിയാണ് കണ്ണൂർ രണ്ടാം സ്ഥാനം നേടിയത്. വിവിധ സംസ്ഥാനങ്ങളിൽ നിന്നായി 54 സർവകലാശാലകൾ മത്സരത്തിൽ പങ്കെടുത്തു.

കെ.കെ. അജിന, എയ്ഞ്ചൽ പോൾ, മിത മാമൻ (പിപ്പിൾസ് കോളേജ് മൂന്നാട്), എം.ഡി. വിശുദ, എസ്.പി. കൃതി (ഗവ. കോളേജ് കാസർകോട്), ഗോപികാ രവീന്ദ്രൻ, ഗായത്രി വിനോദ് (നെഹ്റു കോളേജ് കാഞ്ഞങ്ങാട്), അഭിരാമി മനോജ് (ഡോൺ ബോസ്കോ കോളേജ്, അങ്ങാടിക്കടവ്), കെ. ആദിഷ (ബ്രണ്ണൻ കോളേജ് തലശ്ശേരി), ജി.എ. അമ്യത (ഗവ. ബ്രണ്ണൻ കോളേജ് ഓഫ് ടീച്ചർ എജുക്കേഷൻ തലശ്ശേരി) എന്നിവരാണ് ടീമിലെ അംഗങ്ങൾ.

രതീഷ് വെള്ളച്ചാൽ, ബാബു കോട്ടപ്പാറ എന്നിവരുടെ പരിശീലനത്തിലാണ് ടിം മത്സരിച്ചത്. ടീം മാനേജർ ടി. അനഘ ചന്ദ്രൻ.