വരയരങ്ങിലെ അതിവേഗ വിസ്മയം; അഞ്ചുകോടി കാഴ്ചക്കാരുമായി ഇൻസ്റ്റാഗ്രാമിലും തരംഗമായി അഡ്വ. ജിതേഷ്‌ജി :ദിവാകരൻ ചോമ്പാല

ചിത്രകലയ്ക്ക് വേറിട്ട രംഗഭാഷ്യമൊരുക്കി ആസ്വാദകരെ വിസ്മയിപ്പിച്ച ലോകപ്രശസ്ത അതിവേഗ കാർട്ടൂണിസ്റ്റും വരയരങ്ങിന്റെ ആവിഷ്കർത്താ വുമായ അഡ്വ. ജിതേഷ്ജി ഇൻസ്റ്റാഗ്രാമിലും സമാനതകളില്ലാത്ത റെക്കോർ ഡിലേക്ക് കുതിക്കുന്നു.

ജിതേഷ്ജിയുടെ വിസ്മയിപ്പിക്കുന്ന 'അതി വേഗവര റീലിന്റെ' കാഴ്ചക്കാരുടെ എണ്ണം ഇൻസ്റ്റാഗ്രാമിൽ അഞ്ചുകോടിയും (51.1 മില്യൺ) കടന്ന് മുന്നേറു കയാണ്. ഒരു ഇന്ത്യൻ ചിത്രകാരന്റെ പെർഫോമിംഗ് വീഡിയോ സോഷ്യൽ മീഡിയ പ്ലാറ്റ്‌ഫോമുകളിൽ ഇത്രയധികം ജനങ്ങൾ ആസ്വദിക്കുകയും പങ്കുവെക്കുകയും ചെയ്യുന്നത് ചരിത്രത്തിൽ ആദ്യമായാണ്.

ഡിജെ സംഗീതത്തിന്റെ പശ്ചാത്തലത്തിൽ ഇരു കൈകളും ഒരേസമയം ഉപയോഗിച്ച്, മിന്നൽ വേഗത്തിൽ കാൻവാസിലേക്ക് ചിത്രങ്ങൾ പകർത്തുന്ന ജിതേഷ്ജിയുടെ ശൈലി ആഗോളതലത്തിൽ ശ്രദ്ധിക്കപ്പെട്ടിട്ടുണ്ട്.

മുൻ മുഖ്യമന്ത്രി വി.എസ്. അച്യുതാനന്ദന്റെ ചിത്രം വെറും 11 സെക്കൻഡുകൾ കൊണ്ട് വരച്ചുതീർക്കുന്ന വീഡിയോയാണ് സോഷ്യൽ മീഡിയയിൽ വൈറലായത്.

മുഖ്യമന്ത്രി പിണറായി വിജയൻ, വി.ഡി. സതീശൻ, രമേശ് ചെന്നിത്തല, ഗോവ മുഖ്യമന്ത്രി പ്രമോദ് സാവന്ത്, മുൻ ഗോവ ഗവർണർ പി.എസ്. ശ്രീധരൻ പിള്ള, കേന്ദ്രമന്ത്രിമാരായ സുരേഷ് ഗോപി, ശ്രീപദ് നായിക് എന്നിവരുൾപ്പെടെ ഓസ്‌ട്രേലിയ വരെയുള്ള വിദേശരാജ്യങ്ങളിലെ കാബിനറ്റ് മന്ത്രിമാർ വരെ ജിതേഷ്ജിയുടെ വേഗവര റീലുകൾക്കായി ലൈവ് സെലിബ്രിറ്റി മോഡലുകളായി പോസ് ചെയ്തിട്ടുണ്ട്.

ഇരു കൈകളും ഉപയോഗിച്ച് 5 മിനിറ്റിനുള്ളിൽ 50 ലോകപ്രശസ്തരുടെ ചിത്രങ്ങൾ വരച്ച് 2008-ൽ ലോക റെക്കോർഡ് നേടിയ ജിതേഷ്ജി, ഇന്ന് ലോകത്തിലെ ഏറ്റവും വേഗതയേറിയ കാർട്ടൂണിസ്റ്റായി അറിയപ്പെടുന്നു. ഇന്റർനാഷണൽ റാങ്കർ ലിസ്റ്റിന്റെ ആ Global Celebrity Rank-ൽ ടോപ്പ് 10-ൽ ഇടംപിടിച്ച ഈ മലയാളി പ്രതിഭയെ അമേരിക്കൻ മെരിറ്റ് കൗൺസിൽ 'ദി ഹിസ്റ്ററി മാൻ ഓഫ് ഇന്ത്യ' ബഹുമതി നൽകി ആദരിച്ചിട്ടുണ്ട്. മൂവായിരത്തോളം പ്രശസ്ത വ്യക്തികളെ ഓർമ്മയിൽ നിന്ന് കാൻവാസി ലേക്ക് പകർത്തുന്ന 'super memoriser' കൂടിയാണ് അദ്ദേഹം. പബ്ലിക് സർവീസ് കമ്മീഷൻ (PSC) പരീക്ഷാ ചോദ്യപേപ്പറുകളിലും പൊതുവിജ്ഞാന പുസ്തക ങ്ങളിലും ജിതേഷ്ജിയുടെ 'വരയരങ്ങ്' ഒരു കലാസൃഷ്ടിയായി ഇടംപിടിച്ചിട്ടുണ്ട്.