സമ്മർ സ്പ്ലാഷ് 2025ന്റെ ഭാഗമായി സർഗാലയ കേരള ആർട്സ് ആൻഡ് ക്രാഫ്ട്സ് വില്ലേജ് ഇരിങ്ങലും, കേരള ചിത്രകലാ പരിഷത്ത് കോഴിക്കോട് കണ്ണൂർ, വയനാട് എന്നീ ജില്ല കമ്മിറ്റികളും സംയുക്തമായി സംഘടിപ്പിച്ച 'ചിത്രസാഗരം' ചിത്ര കലാ ക്യാമ്പ് വർണ്ണ വൈവിധ്യങ്ങൾ കൊണ്ട് വിസ്മയം തീർത്തു. 70 കലാകാരർ ഒന്നിച്ച് അണിനിരന്ന ഈ ക്യാമ്പിൽ കേരളത്തിനകത്തും പുറത്തുമുള്ള പ്രശസ്തരായ കലാകാരർ പങ്കെടുത്തു. ആർട്ടിസ്റ്റ് മദനൻ ക്യാമ്പ് ഉദ്ഘാടനം ചെയ്തു.

സർഗാലയ സീനിയർ ജനറൽ മാനേജർ   ടി.കെ.രാജേഷ് ആർട്ടിസ്റ്റ് മദനന് ക്യാൻവാസ് നൽകി തുടക്കമിട്ട ക്യാമ്പിൽ കേരള ചിത്രകലാപരിഷത്ത് സംസ്ഥാന സെക്രട്ടറി ഷാജി പാമ്പ്ള മുഖ്യാതിഥിയായി. ജില്ലാ പ്രസിഡണ്ട് സി.കെഷിബുരാജ് അദ്ധ്യക്ഷത വഹിച്ചു.

സർഗാലയ ജനറൽ മാനേജർ ടി.കെ.രാജേഷ്, ചിത്രകലാപരിഷത്ത് സംസ്ഥാന ജോ: സെക്രട്ടറി വിനോദ് പയ്യന്നൂർ, കണ്ണൂർജില്ലാ പ്രസിഡണ്ട് പ്രമോദ് അടുത്തില, വയനാട് ജില്ലാ ട്രഷറർ റജി.ഇ..ഡി, കോഴിക്കോട് ജില്ലാ സെക്രട്ടറി ഷാജു നെരവത്ത്, ട്രഷറർ സിന്ധു ലവിൻ തുടങ്ങിയവർ സംസാരിച്ചു. സർഗാലയയിൽ പുതുതായി ആരംഭിക്കുന്ന വികസന പദ്ധതിയുടെ ഭാഗമായി ഒരുങ്ങുന്ന ആർട്ട് ഗാലറിയും യാഥാർഥ്യമായാൽ  സർഗാലയ കലാമേഖലയുടെ പറുദീസയാകും.

സമ്മർ സ്പ്ലാഷ് 2025 സർഗാലയക്ക് 11.05.2025നു (തിങ്കളാഴ്ച) പ്രവർത്തി ദിനം. സർഗാലയ രാവിലെ 10 മണി മുതൽ രാത്രി 8 മണി വരെ തുറന്നു പ്രവർത്തിക്കും

ആശംസകളോടെ ..